வெற்றி

வெகுதூரத்தில் வெண்ணிலவும்

வெக்கித்துடிக்கிற நீயும்

வேகமாய் பரவுகிற நெருப்பும்

வென்று விட துடிக்கிற நானும்

தண்ணீரே இல்லாமல்

தோனி போல் தள்ளாடுவது தான்

கலவியா !

நாம்

வென்றுவிட்டோமா

அன்பே!

தேடல்

அப்போது

நான் புதிதாய் பட்டம் வாங்கிய

பட்டதாரி இளைஞன்

மாற்றுவதற்கு தோதாய் இருந்த
ஓரிரண்டு உடுப்புகளோடு
வேலை தேடும் துடிப்போடு
வந்து சேர்ந்த இடம்

சென்னை

என்னை வரவேற்றது
புகயும் இரைச்சலும் கலந்த
புளித்த வாடையோடு

பத்து மணி நேர
பயண களைப்பை மேலும் அதிகரிக்கும் வகையில்
அறை நண்பர்களின் நடை உடைகள்,

முதல் முதலாய் நண்பனின் துணையோடு
ஏறிய
மின்சார ரயில் வாசனை இன்று வரை என் நெஞ்சோடு

வந்த முதல் நாளே
ஒரு பயிலிடதில் எனது
முதல் நேர் முகத் தேர்வு
வந்தவர்களை பார்த்தவுடனே தோற்றுவிட்ட
ஏக்கத்தில் கழிந்தது சென்னையில்
எனது முதல் இரவு

கவிதை

                ஆறடி கவிதைக்கு 

                அரை  அடியில்  தலைப்பிட்டார்கள்

                பவித்ரா  என்று!